أقلام وآراء

كنت أحب بنت بس أهلي ما وافقوا عليها ، واهلها كمان ما وافقوا اضطرينا نترك بعض … وهاد اللي صار ..

بتذكر وقتها كنت أحبها بطريقة خيالية وبحياتي ما طلبت منها اشي حرام ، بس كانت مشاعرنا الحب اتجاه بعض ! 
بعد عناد اهلها واهلي تزوجت بنت تانية ما بحبها ، بالخطبة كنت مش طايقها وبحاول اهضمها لخطييبتي … بس ما قدرت ، كان في اشي دائما بخنقني وبذكرني بحبيبتي تالا…
كنت اتصل عليها دائما وبنص الليل اتذكرها..وانخنق … 
هي كمان كانت هيك، كانت رافضة تتزوج حدا غيري، بس لما شافتني خطبت وافقت وتزوجت واحد ثاني …

اجا يوم عرسي؛ كنت مش طايق مرتي؛ شفتها كيف دائما بتجهز بحالها؛ وكيف بتهمها صحتي لاني كنت مريض، كانت حنونة معي كثير، بس انا مش بايدي بكرهها!
اه اذا حكيت هيك ما ببالغ .. 
اول ايام بعد الزواج؛ كنت اطلع اسهر مع صحابي للصبح، وارجع الاقيها سهرانة ابهدلها وانام … 
كانت تضل تحكيلي انها بتخاف علي، وانها بس بدها اطمنها … 
كنت بعاملها معاملة بشعة كثير، لأنه تالا ماخدة كل تفكيري …

والحب الي بينا صعب ينتسى …. 
مع هيك مرتي اتحملتني، وما قصرت معي بأي شي؛ واول مرة حملت فيها بدل ما انبسط، عملت طوشة معها، مع هيك ضلت صابرة عمعاملتي الي بتخزي … 
ولما اجانا اول ولد؛ حملته وحسيت بشعور غريب،هاد ابني ، كانت تعبانة ، ومع هيك تكابر عحالها ….
بيوم من الأيام كنت احكي مع تاللا؛ مسكتني بحكي معها . 
حكتلي مين هاي؟
قلتلها بكل وقاحة حبيبتي ورح اتزوجها !
صارت تبكي ، وتحكيلي طيب ليش تزوجتني ، انا اتحملت كل شي معك ، معاملتك البشعة، وتصرفاتك، وما بغلط ولا بعمل اي شي يزعلك .. 
وانت دائما تزعلني !
حكتلها ببرود الحق عأهلي ما وافقوا يزوجوني ياها ….
وهي لانها بتحبني تطلقت؛ وانا بدي اتزوجها ! وما رح طلقك … 
طلعت وقتها من البيت ورحت اشوف تالا؛ كانت قاعدة ومبسوطة؛ ولما حكتلها اني بدي اتزوجها طارت من الفرحة، ورجعت عالبيت لقيت مرتي حردانة وتاركتلي البيت؛ اتصلت عليها قلتلها خليكي عند اهلك ما بتلزميني، حكتلي الفرق بيني وبينك اني انا بحبك وعندي كرامة بس … وسكرت الخط … 
تزوجت انا وتالا؛ واخيرا الحب الكبير جمعنا مرة ثانية غصب عن اللكل، بس الاشي الغريب اني مو مبسوط معها ، حياتنا كلها مشاككل، بروح عالبيت بلاقيها نايمة ومو مشتغلة شي، بطلع من البيت بتعملي الف مشكلة؛ عالطالعة والنازلة تتطلب مني شغلات … 
صرت اتذكر زوجتي الاولى كيف كانت حنونة معي، كيف كانت قنوعة وما تطلب شي، كيف كانت تهتم فيي، عرفت اني غلطت بهالقرار؛ واني ظلمتها ….
رحت عبيت اهلها رجعها، ما وافقت، عرفت اني خسرتها للابد؛ وبعد مدة اتطلقنا انا وتالا؛ لانه للحياة معها مستحيلة، واكتشفت اني خسرت حب حياتي الحقيقي الي هي كانت نصيبي من الاول ، خسرت مرتي الاولى !

قصة حقيقية ؛ بنفكر انه الناس الي بنحبهم هم الي بس بستاهلوا حبنا، وبنظلم الشخص الثاني الي انكتبلنا، يمكن ربنا يحرمنا من حدا بنحبه ليعطينا حدا احسن منه بكثير، حدا بحب عنجد ومناسب لالنا، لانه مش دائما قرارتنا هي الصح .. 
ولكل رجال متزوج وعنده زوجة صاينة بيته وولاده ، تفكرش بغيرها، وبدل ما تعاملها كانها جارية عندك لانك بتحب وحدة ثانية؛ حبها هي ورح تعطيك كل السعادة ، ومش رجولة انك تخونها لانك بس رح تخسرها …

#هديل_قاسم

ثلوج وامطار قادمة الى فلسطين ... التوقعات الموسمية للموسم الجديد 2018/2017