اخيراً اخوي خطب الي بحبها بس … !! ” كان زمان يهتم فينا , اليوم لأ و صحته بتتراجع ” و السبب !!!!!

أقلام وآراء
 
 

نابلس الاخباري | أقلام و اراء |

 

” وآخيرا اخوي خطب اللي بحبها!
بعد معاناة مع اهلي واهلها؛ اثبت انه زلمة قد كلمته؛ وطلبها وعملها مفاجآة كبيرة ، لأول مرة من سنين بشوف الفرحة بعيونه؛ واجي يركض لعندي ولإنه وحيد بحكيلي خلص صارت حلالي؛ ونفسيييي اطيييير !
حضنته وقلتله مبروك يخوييي الله يسعدكم!
بس بعد اسبوعين خطبة كل شي تغير !

اخوي صار دائما معصب، ونكد؛ ويعمل مشاكل معنا، عالطالعة والنازلة سامعين صوته متقاتل مع خطيبته ، كان زمان يهتم فينا؛ يجي كل يوم يحكي معي ؛ بطل بالمرة يعمل هالشي!
صحته صارت تتراجع، وصار ينحف، انا خفت علي، كان قاعد يومها عالبلكونة ومهموووم كثير!
رحت قعدت جنبه قلتله شو فيك يخوي؟

قلي:ولا اشي …
قلتله بتخبي علي انا!
اطلع في وتنهد وقلي يختي اسالك سؤال وتجاوبيني بصراحة!
قلتله تفضل!

لو خطبتي شب وهالشب وضعه مش كثير منيح ممكن تهيني او تعايري اذا ما جبلك كل شي مثل ما بدك
هون انا سكتت شوي ..حكيت يمكن مطاوش معها لهالسبب قلتله حسب يخوي .. اذا انا عارفة وضعه من الاول او لا!
هون تنهد تنهيدة طويلة … ولله كانت تعرف ظروفي قلتلها من الاول عن وضعنا وكل شي وحكتلي مش مهم … ليش تغيرت!
وكانت الدمعه بعيونه …

قلتله تفاهم معها بكرا كل شي بنحل ورحت
.. بعد اسبوع فات اخوي عالبيت منكد وحالته حاله، كان مبين علي الزعل والارهاق!
قلتله شو في !
قلي عملت معي موقف بخزي! خلتني قدام عيلتها وقلبتني مسخرة
سالوها وين رح تروحو شهر عسل حكت يحسرة اذا بنعمل عرس منيح+ هو معه ياكل!
وهالكلمة جرحتني يا اختي …

بهالوقت اجا تلفون، كانت خطيبته وصوتها طالع بتصرخ!
يحكيلها ليشش اطلقك!
وبالاخر طيب مثل ما بدك ..
سكر التلفون قعد ودموعه نزلوا لاول مرة بالحياة بشوف اخوي ضعيف هيك! حسيته مكسووور ؛ حضنته وقلتله ولله بتلاقي الاحسن لعله خير !
قلي بسسس انا ضيعت كل تعب عمري عليها وانا بحبها !
حكتله الي بحبك بضل معك عالحلوة والمرة هي ما بتحبك!
وغلطتك اخدت وحدة وحبيتها مشان شكلها ووضع اهلها….
قلي ما هي كانت تعرف كل شي…

طبعا طلقها ثاني يوم، واخوي خسر كل تحويشة عمره عليها، صار شغله يتدهور اكتر، وصحته تدهورت كتير؛ يضل صافن دائما وتعبان ، وهي بعد اسبوع خطبت واحد غني كثير!
اخوي حاليا رجع قوي ، ويشتغل احسن من الاول ؛ امبارح كان عرسه على بنت عالم وناس ، عينها شبعانة كان بصالة بس مرتب كتير وكان بعيونه فرح ما شفته بحياتي !

وبعد سنتين صاروا يسافروا هو ومرته كل ٣ شهور عبلد وهيهم عايشين ومبسوطين
اكثر شي محيرني انه حبيبته السابقة طلقها زوجها لانها ما بتجيب ولاد وعاملها مليون مشكلة !
بس اخوي للقدر مرته عندها مشاكل وصعب تحمل وشبه فاقدين الامل؛ وكل يوم بشوفه بدعمها اكثر وبحكيلها رح يعوضنا ربنا
لما بدك تخطبي شب، بتكوني عارفة وضعه المادي وكل شي؛ لا تحملي فوق طاقته عشان هديك عملت وسوت، واتقي الله بتعبه وشقاه! اذا انتي بدك شغلات كثيرة خدي واحد غني لا تاخدي واحد وضعه عادي وتغرقي بديون لاخر يوم بعمره! والسعادة مش بفلوسه!

ولكل شب بحب بنت وبدو يخطبها، حب اللي بتشبهك وبتشبه اهلك، اللي عينها مليانة وشبعانة بدار ابوها، لانه اذا اخدتها بتختلف عنك رح تتغلب كتير وتغلبها!

مش تحبها عشان شكلها حلو وهاي كلاس وتشوف حالك فيها ! وبعد سنة تطلقوا ….
الزواج ارقى من عرس فخم وشهر عسل بالمالديف
 ”