كنت طالبة بالجامعة بحب شب وما بقدر اعيش بعيد عنه .. لوقت صار هالموقف معي وغيرلي طبيعة تفكيري - نابلس الإخباري Nablus News

كنت طالبة بالجامعة بحب شب وما بقدر اعيش بعيد عنه .. لوقت صار هالموقف معي وغيرلي طبيعة تفكيري

كنت مفكرة إنه الحياة مربوطة

بأشخاص❤️

شخص ممكن يسعدك، وممكن يحزنك

ما كنت قادرة افكر بمستقبلي وأحلامي

لوقت صار هالموقف معي وغيرلي طبيعة تفكيري

كنت طالبة بالجامعة بحب شب وما بقدر اعيش بعيد عنه

رابطة حياتي كلها في

بس يحكي معي انبسط

وبس يبعد عني اتضايق

كنت انخنق كتير اذا رنتله وما رد

وبكل صغيرة وكبيرة بحياتي يتدخل وينكد علي!

بس يومها كان غير، بس قعدت مع ست كبيرة بالعمر بتغسل كليتها بالمستشفى

كانت وحيدة وما في حدا معها، دخلت وقعدت جنبها وصرت احكي معها

قلتلها ما عندك ولاد؟

ضحكت بغصة وقالتلي عندي ٥

ووينهم يخالتو؟

قالتلي هيي هي كل واحد انشغل بحياته

وزوجك؟

زوجي الله يرحمه !

الله يرحمه

قعدت وصفنت ليش ولادها مش معها مع هيك مبسوطة ومش زعلانه انها لحالها

لوقت دخل الدكتود حكالها كلام كتير حلو وبكل احترام وتقدير

خلصت غسيل الكلى وطلعت

وقفت وصفنت فيها ، بتضحك من قلبها رغم كل الوجع، ما في شي منكد عليها ، قربت لعندها وقلتلها

ما بتزعلي انك لحالك اليوم

حطت ايدها عكتفي وقالتلي: الشي الوحيد الي ما بتركك لحالك هو. ربنا

وبعدها انتي واحلامك وطموحك وين وصلتي

اوعي يا بنتي توقفي حياتك مشان حد بالنهاية الكل بتركك

بروح بارداته او لا

قلتلها بس بحبه؟

قالتلي ومبسوطة معه!

قلتلها اه

وطلعت وانا بحكي بعقلي لا انا مش مبسوطة معه

لاني موقفة حياتي مشانه

بعد هاليوم صرت بنت قوية تدافع عن احلامها وطموحها

ما بوقفها حدا ولا مستعدة تضحي وتتنازل الا مشان احلامها وحياتها

بنتي اليوم اجت لعندي وقالتلي ماما ليش اخترتي بابا؟

استغربت من سوالها وقلتلها لانه الوحيد الي علمني كيف انجح اكتر واكتر

#هديل_قاسم

التعليقات مغلقة، ولكن تركبكس وبينغبكس مفتوحة.